Драги мои,

Ете и тоа се случи Блогерај да не изненади со миграција на веб страницата. Мојата нова веб страница е http://vladotra.blog.mk

Искрено се надевам дека брзо ќе ги научам алатките на Word Press. Следува пост за 2009 година.

Владотра

Почитувани студенти од прва година,

Во понеделникот на 28.12.2009 беше направена редовна анкета за мислењето на студентите во однос на предавањата и вежбите по предметот Физиологија со функционална анатомија. Истите се дадени во прилог, и можам да заклучам дека и оваа генерација одлично ја оценува работата на професорот и демонстраторката. Благодарност до Розалија Давковска за статистичката обработка на истите.

Предметен наставник

Почитувани студенти од втора година,

Во прилог е списокот на ЕКТС поени по предметот Хумана генетика 2. Има веќе 10 студенти со оформена оценка и нека им е честито. За сите други во црвена боја важат истите принципи како и за МОИ1.

Убав помин за празниците.

Предметен наставник

Почитувани студенти од втора година,

Во прилог е списокот со ЕКТС поени по предметот Медицински основи на инвалидноста 1. И покрај попустот на двете колешки за нивното наводно присуство, сепак кај едната збирот не ги оствари нејзините и моите очекувања и ќе мора да се задоволи со 9 или да дојде на устен испит ако не е задоволна. Морам да заклучам дека со 28 и 26 поени на колоквиум не се добива десет и покрај многубројни други активности. Над 30 поени на колоквиум упатува на оценка десет. Останатите кои се во црвено и имаат под 15 поени ако сакаат да полагаат во јануари да дојдат утре по задачи во периодот од 10.00 до 13.00.  За тие што ќе полагаат во јуни 1 април 2010 година е последен рок. Искрени честитки до положените и среќна нова 2010 година.

Предметен наставник

Почитувани постдипломци од прва година,

Во прилог ви го доставувам вашиот избор на предмети од втор семестар. Нека ви е со среќа.

Раководител на ННК

Почитувани студенти од прва година,

Во прилог ви е списокот на ЕКТС поени кои ги освоивте во текот на семестарот. Сите студенти што се во црвена боја, т.е. имаат помалку од 15 поени треба да одјдат во среда 30.12. да добијат задача во периодот од 10.00 до 13.00 часот. Сите студенти што се во зелена боја значи дека имале над 3 минуси по вежби и повеќе минуси предавања и немаат право на потпис. Честитки за осумте студенти што веќе имааат оценки. Сите останати треба добро да седнете и да почнете да учите.

Предметен наставник

Драги пријатлки и пријатели,

На крајот од викендот повторно како и минатиот, поради пеколни обврски овие два дена не можев порано да ја реализирам омилената рубрика 3 од 1. Се одлучив за најдобриот на сите времиња на овие простори, а тоа е несомнено Здравко Чолиќ. Имаше само еден кој можеше да го надмине, но за жал трагично почина нашиот Тоше Проески. Минатиот петок кога пееше на плоштад по повод симнување на шенгенскиот зид, не можев заради обврски и заради ладното време да му отидам на концерт иако претходно тоа редовно го правев. Затоа еве тука на блог му одавам почит на великанот. Има само една „Единствена„.

DJ Vac

Почитувани студенти од прва година,

Во прилог ви се резултатите од вториот колоквиум по Физиологија со функционална анатомија кој се одржа утрово. Тие се подобри во однос на првиот колоквиум но само за 8 студенти. Другите ќе мораат добро да се подготват за испитот во јануари.

Предметен наставник

Почитувани студенти од втора година,

Ви ги проследувам резултатите од вториот колоквиум Хумана генетика 2. Истите се многу подобри од завчерашните. Очевидно е дека овој предмет многу подобро сте го подготвиле од МОИ1 и дека критиките позитивно влијаеле на вас.

Предметен наставник

Почитувани студенти од втора година,

Во прилог се наоѓаат резултатите од утринскиот колоквиум по МОИ1. Истите се назадоволителни и неочекувани за мене. Мислам дека некои од вас по ова треба длабоко да се замислат и засрамат за своеото неучење.

Предметен наставник

Почитувани студенти, драги посетители,

Сакам да ве информирам дека на 26.12.2009 година во сабота Филозофскиот факултет во Скопје ќе го посети премиерот на Владата на Република Македонија господин м-р Никола Груевски заедно со министетрот за образование и наука господин Никола Тодоров, минситерката за култура госпоѓата Елизабета Милевска-Канчева и други членови на Владата. Повод за посетата е промоција на книгите што Владата ги подари на ФЗФ. Настанот ќе се одвива во големиот амфитеатар со почеток во 13.30 часот и влезот е слободен за сите оние кои сакаат да присуствуваат на оваа промоција.

 Почитувани постдипломци од прва година,

Ве молиме најдоцна до петок 25.12.2009 да се определите за 3 од понудени шест предмети на листата што ви е пратенја по електронска пошта од страна на секретарот на постдипломски студии. Доколку не сте добиле во текот на вчерашниот ден е-маил од неа, тогаш ве молам под итно да се обратите кај неа или кај мене за да кажете кои предмети сакате да ги слушате. Ова ни е потребно како би можеле навремено да започнеме со наставата во втоприот семестар,а тоа е почеток на февруари 2010 година.

Раководител на ННК

Почитувани студенти,

Од утре започнува втората колоквиумска недела. Семестарот страшно брзо помина (иако има уште 11 дена до неговиот крај). Вие што го положивте првиот колоквиум се надевам дека нема да ја пропуштите шансата да земете оценка со положување и на вториот колоквиум. Еве го редоследот на полагање:

МОИ1 вторник 22.12.2009  Лабораторија 8.30 часот

ХГ2 четврток 24.12.2009 Лабораторија 10.00 часот

ФФА петок 25.12.2009 Лабораторија 8.30 часот

Предметниот наставник го задржува правото за промена на распоредот во случај на „виша сила„. Затоа проверувајте го често овој блог. Нека ви е со среќа.

Предметен наставник

Почитувани постдипломци од прва година,

Сакам да ве информирам дека наставата по предемтот Аутизам за насоката „Ментална ретардација и аутизам„ започнува утре на 19.12.2009 година со почеток во 9.30 часот во слушална 11 и ќе трае до 14.00 часот. Во истите термини ќе имаме настава и на 20.12..

Предметен наставник

Драги мои,

Викенд е и се знае следува 3 од 1. Прв слободен ден, по триесетина работни денови без пауза. Вчера постдипломци, па свадба на другар ми Алек, кој втор пат реши да се жени. Една незаборавна журка во Пантелејмон со дуо Флеш. Им посакувам на Алек и Марија мирно пловење во брачните води и секако раѓање на живо и здраво жеснко дете во 2010.

И еве ме денес во друштво со Елена Ристеска која се појави на македонската сцена токму во декември пред 7 години чинам, а во среда на ФЗФ ќе има свој мини концерт заедно со Бени „Нон стоп„ по повод 89 години од постоењето на Филозофски факултет на овие простори. По мене девојка со стил која треба да биде вистински предводник на таа генерација. Очекувам дека во среда ќе има добар перформанс.

DJ Vac