Почитувани постдипломци,

Малку невообичаено, но бидејќи се` почна подоцна, така и предавањата по предметот Аутизам од втор циклус ќе се одвиваат во месец февруари, наместо ноември-декемри како што беше изминатите генерации. Сакам да ве информирам дека предавањата ќе започнат на 4 феавруари 2012 година со почеток во 9:30 часот и ќе се одвиваат во слушална 11. Бидете таму десетина минути пред почетокот на предавањата. Предавањата се планираат да се реализираат во три викенди. Ако оди се` според планот на 19 февруари завршуваме со практична настава во приватна здравствена установа за ментално здравје. Покрај актуелната генерација овде сакам да ги поканам и петте постдипломки што минатата година беа во Осло и не можеа да ги слушаат моите предавања. Се разбира за нив предавањата не се задолжителни, но за актуелната генерација потписите зависат од присуството на предавањата.

Предметен наставник

Почитувани студенти,

Студентите што треба да го полагаат изборниот предмет МОИ треба да дојдат во понеделник во 9.30 часот. Сите други студенти кои се условно вратени или треба да се појават на устен испит треба да дојдат во понеделник во 11.00 часот. Со тоа и официјално сесијата завршува кај мене на 30 јануари.

Предметен наставник

Почитувани студенти,

Во прилогот ги имате резултатите од утринскиот испит по Медицински основи на инвалидноста 1 и 2 одржан утрово. Со ова ја привршуваме втората декада.

Предметен наставник

Почитувани студенти,

Во прилог се резултатите од испитите по предметите: Хумана генетика, Хумана генетика 1 и Хумана генетика 2, што ги полагавте утринава.

Предметен наставник

Почитувани студенти,

Сите што положија деновиве и што ќе положат утре и задутре и оние кои не можеа да дојдат во првиот рок за пишување на оцени ги поканувам во петок на 27.01.2012 година во период од 10:00 до 14:00 часот. Дали ќе има и трет ваков термин не сум сигурен, затоа искористете го овој, за да не ме бркате по ходници или да ми барате оцена кога вам ќе ви падне на памет.

Предметен наставник

Почитувани студенти,

По 4,5 часа прегледување конечно успеав да ги прегледам тестовите по предметот Физиологија со функционална анатомија. Резултатите се слаби и само 20% го минаа тестот. Кандидатката Марија Ангелова не достави пријава и покрај моето укажување и затоа не и е прегледан тестот. Во иднина не треба да ве примам без пријави и уплатници. Додека некој не извиси и не биде примен на испит, нема да се опаметите дека на испит се доаѓа со пријава и уплатница од 50 денари (основно правило).

Предметен наставник

Почитувани студенти,

Професорката ме замоли да ви ги приложам резултатите од испитот Невропсихологија од денес. Оцени ќе пишува во библиотека во четврток во 11:00 часот.

Почитувани студенти,

Во прилог ќе можете да ги најдете резултатите од испитите по Генетика и Физиологија за студентите од Институтот за психологија. Не ме воодушевивте со прикажаното.

Предметен наставник

Почитувани посетители,

Вчера на 21 јануари 2012 година бевме сведоци на уште еден грандиозен концерт по повод роденденот на Тоше Проески кој е на 25 јануари. Концертот се одржа во МОБ со почеток во 20:20 часот, а беше пренсуван од Сител и повеќе други ТВ канали од регијата. На него се претставија видни оперски имиња од регионот и тоа уметници од калибарот на Аленка Готар, Сања Керкез, Ѓорѓи Цуцковски, Иван Томашев, Иво Гамулин, Весна Гиновска Илкова, маестро Симон Трпчевски, Еделина К`нева. Со оркестарот при МОБ диригираше маестро Саша Николовски Ѓумар. Имавме прилика да уживаме и во прекрасниот оперски глас на Тоше Проески кој во изминатата деценија и половина пленеше на овие простори. Сепак јас за овде би го издвоил човекот со кој најверојатно делам некои гени (баба ми почина пред да ми ја дообјасни генетската конекција), човекот кој е врвен гитарист не само на Балканот, туку и пошироко. Погодувате, тоа е д-р Влатко Стефановски. Уживајте во нумерите Ариа и Крушево и во неприкосновениот звук на неговата гитара.

DJ Vac

Почитувани читатели,

Деновиве излезе од печат најновиот број на Прилози, списание што го издава медицинското одделение при МАНУ и во трудот од авторите академик Момир Поленаковиќ и м-р Ленче Даневска под наслов: Medical Journals in the Republic of Macedonia after the second world war е споменатоп нашето списание Дефектолошка теорија и практика. Тоа е уште еден доказ за нашата успешна работа во последните години. Кликнете погоре на насловот на трудот ако сакате да го прошитате во целост. Трудот е преземен од официјалната веб страница на Прилози.

Главен и одговорен уредник

Почитувани студенти,

Проф. Поп Јорданова ме замоли да ви го споделам овој список со резултати по Невропсихологија.

Почитувани студенти,

Бидејќи постојано се случуваат некои пропусти од ваша страна, должен сум да повторам некои работи во врска со полагањето на испити кај мене.

1. На испит се доаѓа пред време 10-15 минути, а никако откако тој ќе започне.

2. На испит, не се препишува, не се договара, довикува, не се користат hands free и слични помагала.

3. На испит се доаѓа со пополнета пријава со сите генералии, код на предмет, ЕКТС кредити и слично.      Пријавата треба да биде задолжително со захефтана уплатница, а не таа да биде слободна како би можела да се изгуби. Имате доволно време тоа да го сторите пред испит, а не по испит.

4. Испитите се полагаат без ургенции (ова правило најмногу го почитувате и тоа е добро. Сте сфатиле дека не може никој да ви помогне, освен самите на себе).

5. На испит се оди со научен материјал, а не на среќа или само со еднаш прочитана содржина. Ова правило треба најмногу да го почитувате, а вие токму спротивно најмалку го почитувате.

Ете тоа се петте златни правила, јас да ве потсетам. Ако не ги почитувате нема успех, ако ги следите и цените тогаш успехот е неминовен.

Предметен наставник

Почитувани студенти,

Иако првично мислев да ги пишувам оцените во петок на 20.01.2012, сепак поради најавите дека некои студенти повторно ќе го спојуваат верскиот празник „Водици„ со „Св. Јован„ одлучив тоа го направам утре 18.01.2012 година од 13.00 до 15.00 часот. Оцена се зема лично со индекс и пријава за тие што немаат доставено. Поканети во мојот кабинет се сите што положиле преку колоквиуми или на испити од Институтите за психологија и дефектологија. Доколку го пропуштите утрешниот термин, кон крајот на месецот ќе има уште еден таков. Затоа, не очајувајте.

Предметен наставник

Почитувани студенти,

Во прилог ви ги давам резултатите од испитите Медицински основи на инвалидноста 1 и 2. Од шест студентки положија само 2, не е лошо, но не е ни добро.

Предметен наставник

Почитувани студенти,

Во прилог ви ги праќам резултатите од испитот по Физиологија со функционална анатомија. Резултатите се незадоволителни. Една студентка е пуштена условно и таа ќе треба да дојде на устен испит (три прашања) на 30 или 31 јануари (по претходен договор по електронска пошта). За останатите повеќе знаење во јунска сесија.

Предметен наставник