Почитувани студенти,

Ви ги проследувам резултатите од утринските испити по Медицински основи на инвалидноста 1 и 2. На една студентка и се дава шанса устно да го полага испитот. На неколку други им се додаваат 10 поени од претходни активности со што оцената им расте за еден.

Предметен наставник

Драги пријателки и пријатели

Кога мислите дека некој ви е пријател, си мислите дека е во ред да му позајмите пари и притоа очекувате да ви ги врати во договорениот рок. Во животот поради мојата природа често сум излегувал во пресрет на моите пријатели и за среќа секогаш ми биле враќани парите. Но, овој пат не е така. Минатата година кај мене во кабинет дојде Крсте Јовчевски и ми побара 100 евра, кои како мамец ги врати за неколку недели. Тоа да ти била стара измамничка финта, но кој да знае кога не се дружам со такви. Потоа на 7 октомври 2009 година ме замоле да му дадам 500 евра кои ќе му послужат за неговата веридба со договор дека ќе ги врати за шест месеци. Како доктор кој има разбирање за маката на другите било тоа да е материјална или духовна, не се двоумев да му дадам за да човекот со среќа се ќердоса како што велат старите. Го познавав уште од времето кога технички го обработуваше мојот трет учебник во 2006 година во печатницата каде што подоцна беше печатен. Потоа работеше на уште еден мој учебник, неколку броја од списанието. За волја на вистината го вработив на одредено време и на работно место во службата за студентски прашања каде што не се докажа и од минатиот декан не му беше продолжен договорот. Но, изгледа тие 3 години, вработувањето, благонаклонетоста, излегувањето во пресрет кога му беше најтешко не биле доволни. Од 7 април наваму човекот едноставно го снема. Го исклучи мобилниот, не одговара на електронска пошта, го нема никаде, чиниш како да пропаднал во земја. Работи наводно во ФФМ на одржување на терените и лаже дека нема земено плата.

Драги пријателки и пријатели до кога ќе постојат вакви ништожни луѓе? До кога некој ќе живее на сметка на другиот? До кога ваквите безрбетници ќе си спијат мирно и ќе ги користат другите? Дали мирно спијат или мува не ги лази? Дали размислуваат дека некој друг со пот ги стекнал тие пари кои овие ладнокрвно ги трошат? Многу прашања, малку одговори. Ова е човекот кој е измамник, човек кој кога ќе го сретнете на улица не треба ни да го погледнете, а камоли да му дадете пари. Ова е неговиот профил на ФБ http://www.facebook.com/Vladotra#!/profile.php?id=1429367467

Пазете се делува наивно, а позајмува пари невино за да никогаш не ги врати. На ваков човек ни овца да не му дадете, а за пари не станува збор. Нека му служи на честа. Не знам како мисли да види среќа во бракот со туѓи пари кои не сака да ги врати. Овој пост ќе постои додека не ги врати парите или додека постои блогерајот. овој пост е поука за сите да не даваат пари секому. Овој пост е поучен и се надевам дека ќе ви користи.

Раскажувачот

Почитувани студенти,

Во прилог ви се резултатите од испитите по Хумана генетика, Хумана генетика 1 и Хумана генетика 2. Условно пуштените студенти треба да се јават на устен испит на 06.09.2010 година во 8.15 часот. Испитот Хумана генетика се полага со 36 поени, а Хумана генетика 1 и 2 со 51 поен.

Предметен наставник

Почитувани колешки и колеги,

Денес Институтот за дефектологија е побогат со уште една млада колешка дефектолог-логопед, а тоа е Сара Чепишевска. Насловот на диплосмкиот труд е „Најчести фонолошко-артикулаторни нарушувања кај деца на возраст од 4 до 6 години„, кој го одбрани со одлична оцена 10. Јас најискрено и честитам за одличната презентација и зрелоста која ја покажа во текот на изработката на трудот. Како и порано што правев,  ја ставам дипломската работа на увид на пошироката јавност, а на кандидатката и препорачувам да објавиме еден труд во некое списание.

Менторот

Почитувани студенти,

Во прилог се резултатите од утринскиот испит Физиологија со функционална анатомија.

Предметен наставник

Почитувани студенти,

Сите вие што положивте во првата декада испит кај мене и што ќе положите денес ФФА ве поканѕуам утре – вторник 31.08.2010 во периодот од 11.00 до 13.00 да земете оцена.

Предметен наставник

Драги колешки и колеги,

Можно е во иднина да се укаже потреба од вработување на одредено време на еден наш дефектолог во Трисомија 21 од Загреб, Хрватска. Како основач на НВО-ја сум во разговори за создавање на таква можност со водството на здружението. Секако ова ќе зависи од тоа дали ќе се најдат финансиски средства за вработување на тој колега или колешка. Личноста што би била избрана мора да има одличен просек, да биде психостабилна со високи морални квалитети, да знае да работи со деца со Down синдром, да знае англиски јазик и да го разбира хрватскиот јазик, да има познавања од Интернет технологија и пребарувања на бази податоци и смисол за креирање на проекти. Не велам дека ова 100% ќе се реализира, туку само сакам да ги чујам вашите размисли и потреби. Доколку се укаже можност секако дека ќе биде објавено на мојот блог и ќе биде направена реална селекција.

Претседател на стручниот совет на Трисомија 21

Драги мои,

По мала пауза на рубриката 3 од 1 што заради одморите, што заради летната школа во Охрид еве ме повторно назад и тоа ни помалку ни повеќе туку со легендата David Bowie.  Тој е пеач, актер, продуцент и аранжер, роден 1947 година. Малку подзаборавен од нашите дисџокеи на радио станиците и по клубовите. Но, затоа сум јас тука да ве потсетам на неговите квалитети. Тој страшно ме враќа на почетокот на мирните и безгрижни 80-ти. За овде на блогерај ја одбрав нумерата „Heroes„, а на ФБ ќе ги преслушаме сите негови големи хитови. Денес е големиот православен празник „Пресвета Богородица„, кој за мене има големо приватно значење. Нека ни е честит и убав денот и викендот.

DJ Vac

Почитувани студенти,

Ви ги приложувам резултатите од утринските испити по Медицински основи на инвалидноста 1 и 2. Воедно се извинувам што порано не успеав да ги ставам, бидејќи серверот на УКИМ беше паднат. Нешто чудно се случува со Интернетот на работа овие денови. Дали е тоа сигнал за новата деканска гарнитура дека треба да има алтернатинво решение преку АДСЛ линија? Нешто слично како да имаш агрегат како во поголемите фирми, па кога ЕВН ќе ти ја секне струјата, тој се вклучува и животот тече натаму. Без Интернет во 21 век, како без вода.

Предметен наставник

Почитувани студенти,

Во прилог ви се резултатите од утринскиот испит по Хумана генетика 1 и Хумана генетика 2. Честитки за положените, а на три студентки им се дава шанса да се поправат во втората декада.

Предметен наставник

Почитувани студенти,

Прво паднат сервер на ФЗФ, па паднат блогерај и конечно сега резултати од испитот Физиологија со функционална анатомија. Многу небулзнони одговори кои немам време да ги ставам на блог и не сакам да служат за потсмев некому.

Предметен наставник

Почитувани колеги,

Сите вие кои сакате да ги продолжите своите студии на вториот циклус на УКИМ, поточно на ФЗФ, а уште повеќе на Институтот за дефектологија, тоа ќе можете да го сторите од 10 до 20 септември 2010 година. Конкурсот е веќе излезен во дневниот печат и на веб страниците на гореспоменатите институции. Но, како ракововител на ННК на нашиот институт сум секако заинтересиран да видам квалитетни кандидати на нашите студии и затоа како помош ви го споделувам документот кој можете да го симнете овде. Мастер студиите не се шега и затоа вашата идна наобразба доделете ни ја нам.

Раководител на ННК

Драги мои,

На 18.08.2010 година овде во Охрид го имав своето предавање под наслов „Аутизам и ментално здравје„ на летната школа во Охрид кое во 2/3 беше снимено од страна на Стојан Андонов (the legend). За жал последната тrетина ја нема поради потрошена батерија, но мислам дека и оваа е доволно. Еве го нудам на целата стручна и  научна јавност, иако на Запад за ова се плаќа, јас решив сите свои снимени предавања несебично да ги споедeлувам со своите колеги и сите оние кои се заинтересирани за аутизмот и за она што го работам. Примете топли и срдечни поздрави од балканскиот Ерусалим.

Предавачот

Почитувани постдипломци,

Во прилог ви ги праќам термините за полагање испити во августовско-септемвриска сесија. Ви посакувам успех во полагање на истите. Секој професор го задржува правото за измена на термините заради неодложни обврски, но мора да ве информира навремено за измената.

Раководител на ННК

Почитувани постдипломци,

Сакам да ви ги соопштам термините за полагање на испитите од постдипломски студии. Сакам да ви укажам дека испитите не се лесни и дека треба најсериозно да си ја сфатите работата во подготвување на истите за да не бидам принуден да ве враќам. Тие ќе се полагаат по следниов распоред.

Генетика на ментална ретардација на 24.08 во 12.00 и 01.09 во 12.00 часот

Аутизам 24.08. во 9.00 и 04.09 во 09 часот

Го задржувам правото за промена на термините заради „виша сила„ за што навремено ќе бидете известени преку овој медиум или ФБ и нема да „извисите„ и да чекате на факултет.

Предметен наставник